ලොවම බිය කළ හැකි විශාල මිසයිලයක්

0
53

ඉතා විශාල අන්තර් මහද්වීපික බැලස්ටික් මිසයිලයක් නිර්මාණය කිරීමට උතුරු කොරියාව පියවර ගෙන තිබේ.

විදෙස් මාධ්‍ය වාර්තා සඳහන් කළේ එය අමෙරිකාවට සහ ලොව අනෙක් රටවලට තර්ජනයක් බවය.

උතුරු කොරියාවේ පාළක කම්කරු පක්ෂයේ 75වැනි සංවස්තරය නිමිත්තෙන් පැවති හමුදා පෙළපාලියේදී එම මිසයිලය ප්‍රදර්ශනය කෙරිණි.

මේ වනවිට උතුරු කොරියාව සතුව අත්හදා බැලීමට ලක් කළ අන්තර් මහද්වීපික බැලස්ටික් මිසයිල දෙකක් තිබේ.

2014 දී දෙවරක් අත්හදා බැලූ හුවසෝන් -14 බැලස්ටික් මිසයිලය කිලෝ මීටර් 10,000ක් දුරට ඉලක්ක කළ හැකිය. ඊට බටහිර යුරෝපයේ බොහෝ කලාප සහ එක්සත් ජනපදයේ අර්ධයකට පහර දිය හැක.

2017 දී අත්හදා බැලූ හුවසෝන් -15 බැලස්ටික් මිසයිලය කිලෝ මීටර් 13,000ක් පමණ දුරක් ආවරණය කළ හැකිය. එමගින් එක්සත් ජනපදයේ ඕනෑම ස්ථානයකට පහර දීමට හැකියාව ඇත.

නමුත් නව අන්තර් මහද්වීපික බැලස්ටික් මිසයිලය ඊට වඩා ප්‍රබල බව අවි ආයුධ පිළිබඳ විශේෂඥයෝ පවසති.

What’s your Reaction?
+1
0
+1
0
+1
0
+1
0
+1
1
+1
0
+1
0

LEAVE A REPLY

Please enter your comment!
Please enter your name here